ROXAS CITY – Kritikal ang kundisyon sang isa ka lalaki matapos nga bumunggo ang ginamaneho sini nga motorsiklo sa isa ka heavy equipment sa Brgy. Mongpong, sini nga syudad.
Matandaan, nga ginkilala ang biktima kay Rovelson Diego, 32-anyos kag reisdente sang nasambit nga barangay.
Sandig sa imbestigasyon sang Roxas City PNP, nagikan ang biktima sa San Roque kag magapauli sa ila balay, apang pag-abot sa lugar, bumunggo ini sa gina-operate nga heavy equipment sa lugar.
Bangud sa natabo, nag-angkon ini sang kapilasan sa magkatuhay nga parte sang iya lawas.
Madasig naman nga ginpadangat sang mga rescuers ang biktima sa pinakamalapit nga ospital diri sa syudad.
Ginpahayag nga wala sini matalupangdan ang heavy equipment kag madasig ang iya pagpadalagan bangud sa pagbubo sang ulan.
