Roxas City – Padayon nga ginbulong sa ospital kag nagapabilin sa Intensive care unit (ICU) ang isa ka 40-anyos nga lalaki matapos naaksidente sa ginamaneho nga motorsiklo sa Barangay Baybay, syudad sang Roxas sang tinalikdan nga semana.
Ginkilala ang driver sang bajaj nga motorsiklo kay Gerald Famucol kag residente sang Barangay Duran, banwa sang Dumalag kag ginkilala naman ang back rider sini nga si Sonny Gabriel, 50-anyos kag residente sa Brgy. baybay, sini nga syudad.
Mahibaluan nga ginbawian gid sang kabuhi ang isa ka driver sang motorsiklo nga ginkilala naman kay Helbert Didulo, residente sang Barangay Banica, Roxas City.
Matandaan, nga sandig sa imbistigasyon sang Roxas City PNP, nga samtang ginasubay nanday Didulo kag Famucol ang dalan, aksidente ang mga ini nga nagbunggu-anay.
Bangud sa natabo, nag-angkon sang patal nga pilas si Didulo kag lunsay ang mga ini ginpadangat sa ospital.
Sa karun, padayon naman nga nagapaayo ang nasambit nga back rider sa iya pilas nga naangkon sa amu nga aksidente.
