ROXAS CITY – Mapagros kag wala sang may ginasupreher nga balatian ang biktima nga nahulog sa ginasakyan nga colorum nga traysikol kag ginaalegar natapakan pa sang nagasunod nga salakyan sa Barangay Tiza, Roxsa City.
Matandaan nga ginkilala ang biktima kay Mariepress Cervales, residente sang Brgy. Lanot sini nga syudad.
Sa pakig-angut sang Bombo Radyo kay Ailen Marquez, manager sa gina-trabahuan sang biktima, suno diri apat na sila katuig nga naga-updanay ni Cervales kag ginakasubo nila ang balita nga nagtaliwan na ini.
Suno kay Marquez, wala sang may ginmentinar nga bulong si Cervales kag siya pa ang masami nga ginahambalan sang biktima nga mag-inom sang bitamina.
Dugang pa sini nga indi man sila kapoy sang adlaw sang insidente bangud tanan sila ang nag-early out.
Apang talalupangdon suno diri nga antes matabo ang insidente, lain ang pagginawi ni Cervales bangud nangin energetic ini kag nagpinatawa nga sa pagkamatuod mahuluy-on ini.
Matandaan nga natabo ang insidente sang Hunyo 10, kun sa din nahulog si Cervales sa ginasakyan nga traysikol kag ginapahayag natapakan sang nagasunod nga salakyan.
Ginpadangat pa ini sa ospital, apang wala maka-survive samtang ginabulong.Nagapanawagan man si Marquez sa tricycle driver kag driver sang salakyan nga magsungka na sa kapulisan kag magkooperar sa imbestigasyon agud mahatagan sang hustisya ang natabo sa biktima.
