-- ADVERTISEMENT --
ROXAS CITY – Nahatagan na sang kasanagan ang motibo sa paghikog sang 38-anyos nga ginang sa Barangay San Pedro, Pilar, Capiz.
Sa interview sang Bombo Radyo Roxas kay PO1 JP Tomugda, imbestigador sang Pilar PNP, nagaguwa nga depresyon ang rason sang paghikog sa puno sang mangga sang biktima nga si Josie Duran.
Nahibaluan nga wala na ginpadayun sang biktima ang pag-inum sang bulong nga kinahanglan kuntani sini para sa iya nga ginasuprer nga depresyon.
Magluwas diri, ginbatyag pa sang ginang ang alegasyon sang kaingud balay nga nagpangawat ini sang manok, rason nga nagdugang pa ini sa nabatyagan nga depresyon sang biktima.
Posible nga ini ang nagtulod sa biktima para magpanginmatay.
-- ADVERTISEMENT --
