ROXAS CITY – May yara na sang person of interest ang Pontevedra MPS sa pagpangluthang-patay kay Punong Barangay Frederick “Dikoy” Dullano, Liga ng Barangay President sang nasambit nga banwa.
Ini ang ginkumpirmar ni PMaj. Syril Punzalan, hepe sang Pontevedra MPS sang mainterview sang Bombo Radyo.
Suno kay Punzalan, may yara na sila sang kopya sang CCTV footage sa pangpangluthang sa kapitan, kun sa diin ginapahayag nga malapitan ang pagluthang kay Dullano.
Matandaan nga samtang yara pa lang si Dullano sa Brgy Hall, ginluthang na ini sang wala pa matumod nga riding in tandem suspek kag ginsundan tubtob nga nakapauli ini sa ila balay, malapit sa Munisipyo kag liwat nga ginluthang.
Narekober sa lugar ang 3 ka empty shell sang .45 calibre nga armas luthang kag 1 ka magazine sang nasambit nga armas-luthang.
Gilayon naman nga nagpalagyo ang mga suspek sa direksyon sang Bailan.
Ginpadangat pa sa pribado nga ospital ang biktima apang wala ini nakasalbar.
Nagapadayon naman ang imbestigasyon sang kapulisan kaupod ang Scene of the Crime Operation (SOCO) kun ano ang motibo sang amu nga krimen.
UPDATE | Kapulisan may yara na sang person of interest sa pagpangluthang-patay sa isa ka punong barangay sa Pontevedra
-- ADVERTISEMENT --
