Ginkuha na sang iloy ang bangkay sang napatay nga NPA sa engkwentro batuk sa grupo sang Army’s 12th Infantry Battalion sa Sitio Naatip, Barangay, Lahug, Tapaz, Capiz
Mahibaluan nga tumandok sang Leon Iloilo ang nasambit nga napatay nga NPA.
Sa interview sang Bombo Radyo kay LT. COL Jay Javines , PIO- 3ID Phil. Army , ginpahayag sini nga may nagpalab-ot sa ila nga may yara sila sang namutikan nga grupo sang rebelde nga grupo kag didto natabo ang engkwentro sa amo nga lugar nga nagdugay sang 30 minutos nga ginakabug-usan sang ginabulubanta yara sa 10 ka miyembro.
Dugang pa ni Javines nga naalarma na ang pumuluyo sang nasambit nga lugar rason nga indi na ini sila luyag nga may makasulod sa ila lugar nga grupo sang mga rebelde nga grupo.
Matandaan pa nga matapos ang engkwentro, madasig nga nagpalagyo ang amo nga mga rebelde nga grupo sa nagkalain-lain nga direksyon.
Sa karon, yara na sa punerarya ang nasambit nga bangkay kag ginclaim na sang pamilya.
