IVISAN CAPIZ – Kaso nga reckless imprudence resulting to homicide ang igapasaka nga kaso sa suspek nga nagbungo sa nagalakat nga lalaki sa Barangay Ilaya, Ivisan Capiz.
Matandaan nag ginkilala ang biktima kay alyas “Intsik” samtang ang ginatudlo suspek pangayaw sa ila nga lugar.
Sa interview sang Bombo Radyo kay PSSG. Cesar Cargando, imbestigador sang Ivisan MPS, ginkumpirmar nga yara sa impluwensya sang makahulubog nga ilimnon ang suspek sakay sang iya motorsiklo kag wala ini sang headlight rason nga wala ini madiparahan sang biktima samtang nagatabok sa karsada.
Ginpahayag nga bangud sa makusog nga impact, nag-angkon sang patal nga pilas sa ulo ang biktima kabangdanan sang iya gulpi sini nga kamatayon.
Sa karon, ginahulat nalang sang mga kapulisan ang death certificate sang biktima agud mapatigayon na nga mapasaka ang kaso sa nasambit nga suspek.
