(Update) Pagchop chop sa tigulang sang anay drug pusher pagpangimon ang rason
ROXAS CITY – pagpangimon ang ginapatihan motibo sa makasiligni nga krimen nga ginhimo sang anay drug pusher sa iya nga abyan kag paryente sa diin ginchop chop sini si Antonio dela Rosa kag ginsulod sa duha ka sako.
Sa interview sang Bombo Radyo Roxas kay Mae, apo sang suspect nga si Antonio Eduardo alias Tony Balila, ginpahayag sini nga nagaselos ang iya nga lolo sa biktima rason nga nahimo sini ang krimen.
Indi makapati ang iya nga lola nga malab ot sa pagpatay ang pagpangimon sang mister.
Nahibaluan nga matapos ang pagpatay sang suspek sa biktima nagpangayo pa ini sang bulig sa mga paryente para mahaboy ang bangkay apang nagbalibad ang mga ini nga ginkaakig sang suspek.
Samtang nagkaisog lamang si May nga mag sugid sa mga pulis sa krimen nga ginhimo sang lolo para indi na makapanghalit pa ang suspek kag para mahatagan sang hustisya ang kamatayon sang biktima
