ROXAS CITY – Ginsuspendir sang pamunuan sang Roxas Memorial Provincial Hospital ang ginapahayag peke nga doktor nga responsable sa pag-circum 13 anyos nga solterito nga napatay matapos na-tetanus infection.
Ini ang ginpahayag sang Officer-in-Charge ukon OIC-Chief of Clinic sang ospital nga si Ramon Berjamin sang mainterview sang Bombo Radyo.
Suno kay Berjamin, nadesisyunan sang fact-finding committee nga suspendiron si Dominggo Brillo, pinuno sang International Workers (IW) sang ospital nga pa-sekreto nga nagcircum kay Telmo sa sulod sang Histopathology Laboratory.
Magluwas kay Brillo, suspendido man si Jose Morales, Jr., nga nag-refer sa pamilya sang solterito kay Brillo.
Ginpasiguro ni Berjamin nga ila paga-imbestigaran ang natabo nga nagresulta sa kamatayon sang nasambit nga solterito.
Aminado naman si Berjamin nga ila man ginkakibot sang natukiban ang operasyon ni Brillo bangud indi ini sang doktor kag indi man otorisado nga magpang-circum.
Matandaan nga pila ka adlaw matapos gin-circum ni Brillo si Telmo, nangin kritikal sa sulod sang Intensive Care Unit ang solterito antes ini napatay bangud sa tetanus-infection.
