ROXAS CITY – Pasabton sang pamunuan sang Roxas Memorial Provincial Hospital ang ginapahayag peke nga doktor nga ginareklamo sang pamilya sang isa ka solterito nga gincircum sa nasambit nga ospital.
Ini ang ginpahayag sang OIC Chief sang nasambit nga ospital nga si Ramon Berjamin sang ginpakig-angutan sang Bombo Radyo.
Ginpahayag ni Berjamin nga indi sang husto nga sa Histopathology Laboratory ginpatigayon ang pag-circum sa nasambit nga solterito bangud may yara man sang mini-operating room kag out patient department ang nasambit nga ospital.
Angut diri, ginpatawag na ni Berjamin ang atensiyon sang ginapahayag peke nga doktor nga si Dominggo Brillo kag natalana nga makigsapol sa pamilya sang nasambit nga solterito.
Mahibaluan nga na-tetanus ang nasambit nga solterito matapos nga gin-circum ni Brillo.
Sa karon, nagapabilin nga kritikal ang nasambit nga solterito nga padayon nga gina-obserbahan sa Intensive Care Unit sang isa ka pribado nga ospital sa siyudad.
Desidido naman ang pamilya sang nasambit nga solterito nga magpasaka sang reklamo batuk sa suspek bangud sa nadangtan sang ila nga himata.
