-- ADVERTISEMENT --
Hilway na sa kostudiya sang CIDG-Iloilo ang ginakabig professional scammer nga si Melvelyn Daradar matapos ini nga nakapyansa sang P36,000 sa 2 ka mga ginapangatubang nga kaso sa paglapas sa Article 315 sang revised penal code ukon estafa kag falsification of identity.
Matandaan nga gin-aresto si Daradar sa ginpatigayon nga entrapment operation sang Criminal Investigation and Detection Group (CIDG) sa isa ka mall sa Mandurriao, Iloilo City.
Nahibaluan nga gingamit ni Daradar ang pangalan sang isa ka Real Estate Company sa pagpang-scam apisar nga indi ini konektado sa amu nga kompanya.
