ROXAS CITY – Wala sang foul play sa kamatayon sang 24-anyos nga pulis nga taga Capiz nga nasapwan nga patay sa ila nga barracks sa 1st Negros Occidental Police Mobile Force (NOCPFMC) sa syudad sang Escalante
Ginpahayag ni Police Lt. Col. Necerato Sabando Jr., OIC chief of police sang Escalante City Police Station nga ba-se sa resulta sang autopsy sa bangkay ni Patrolman Richard Villasis sang Barangay Jaena Norte, Jamindan, Capiz nag-angkon ini sang isa ka pilas sa nawala nga dughan nga nag-igo sa iya nga baga kag korason nga ginkabangdan sang iya nga kamatayon.
Ginapanindugan sang opisyal nga nagpanginmatay ukon nagsuicide ang biktima kag wala sang iban nga nagluthang diri.
Ginhatagan man sang paathag ni Sabando ang nakit-an nga service firearm sang biktima nga may kalayuan sa iya.
Posible nahulog kag nagtabog ang caiber 45 pistol nga armas sini matapos nga iya ginpalupok sa dughan.
Nagaguwa sa imbestigasyon nga problema sa pamilya ang nagtulod sa biktima para utason ang kabuhi.
