ROXAS CITY– Nagtudok sa pinsar sang 29-anyos nga mister nga ginmolestiya kag ginkastigo sang 40-anyos nga serial killer/rapist nga bading ang pagbuka sa bayag sini sadtong 2003 sa Barangay Tiko, Panay, Capiz.
Sa interview sang Bombo Radyo kay Alyas Ben, ginpahayag sini nga 15-anyos pa lamang ini sang matabo ang pagmolestiya kag pagtuyo nga pagpatay sa iya ni Raden Gonzales alyas Smile.
Suno sa iya nga ginkakibot sini nga ginsundan siya sang suspek sang magpauli ini gikan sa baylehan kag ginkuga kadungan sang pagguyod sa iya padulong sa talamnanan.
Nahibaluan gikan sa biktima nga pag-abot nila sa talamnanan, ginkastigo ini ni Alyas Smile kag ginbuka ang iya nga bayag rason nga ini ang nagpalangluya kag wala na nakabato pa.
Suno pa sa iya nga wala pa makuntento ang suspek sa iya ginhimo kag ginkagat pa sini ang bug-os nga kalawasan sang biktima kag didto na natabo ang pagpa-oral sex sini sa solterito.
Gindugang pa ni Alyas Ben nga matapos ang pagmolestiya sa iya, liwat ini nga ginkuga ni Alyas Smile gamit ang paha sang biktima.
Gintuyo pa sini nga tagbung sa kanal ang nagapakuno-kuno nga patay nga biktima apang may nag-abot nga mga kalalakinhan rason nga nagpalagyo ang suspek kag iya gintaban ang kahita sang solterito.
Samtang, ginkalipay man sini ang pagkaprisu kay Alyas Smile nga suno sa iya mahatagan na sang hustisiya ang kapait nga iya nadangtan sa kamot sang bading.
