ROXAS CITY – Ginapreparar na ang kaso nga ipasaka batuk sa suspek nga naghimulos sa apat ka tuig nga bata.
Suno kay Manang Jennifer, iloy ni alyas Inday, desidido sila nga pasakaan sang kaso si Jomar Oliver, para mahatagan sang hustisya ang nadangatan sang anak kag indi na ini liwat makapangbiktima.
Nagapanindugan man ang ginang nga wala sang kapatawaran ang ginhimo sang suspek bangud ginguba sini ang puturo sang iya anak.
Nabalaka man si Manang Jennifer sa kondisyon sang anak nga na-trauma pa sa natabo sa iya.
Masami sini makita nga indi mapahamtang si alyas Inday kag hinali lamang nagabugtaw sa kagab-ihon kag nagahibi nga kasubong may ginakahadlukan.
Samtang nagpanawagan man sila sa suspek nga magpakita na kag atubangon ang kasal-anan nga iya ginhimo bangud indi tobtob san-o ini makapanago sa kasuguan.
