Update | Suspek nga nagpangbuno-patay sa isa ka persona nga nagapang-burger sa banwa sang Cuartero natigayon na nga mapasakaan sang kaso

ROXAS CITY – Natigayon nga mapasaka ang kaso nga homeside batuk sa suspek nga nagpangbuno-patay sa isa ka persona sa Calanza Street, Poblacion Takas, banwa sang Cuartero.

Matandaan, ginkilala ang biktima kay Irenel Salvacion alyas “Pato”, residente sang Sitio Gisok, Brgy. Nagba.

Samtang ang suspetsado ang ginkilala kay Lester Equia Alavaro, 31-anyos, barbero kag residente sang Sitio Talaytay, sa kapareho nga barangay.

Mahibaluan, nga nagpadulong sa isa ka burger stand ang nasambit nga biktima kaupod si Aron Homballas, sang nag-abot ang hubog nga suspek kag nag-angkon sang mainit nga diskusyon sa duwa kag naghangkatay sang tinapungolay.

Naglakat ang suspek apang sa iya pagbalik may ginasukbit na ini nga matalom nga bagay samtang ang biktima ang naggamit sang kawayan sa ila pag-inaway.

Nag-angkon sang pagbuno sa likod ang biktima samtang ginaalegar nagpalagyo ang suspek matapos ang krimen.

Sa karun, ginahulat nalang ang warrant of arrest agud maaresto ang suspetsado.