MAAYON, CAPIZ – Nakilala na ang suspek nga nagtiro-patay sa 63-anyos nga mangunguma sa Sitio Mainit, Barangay Aglimucon, Maayon, Capiz.
Nag-angkon sang pilas sa tiyan ang biktima nga si Alfredo Dumagpi matapos gintiro sang kaugalingon nga manghod nga si Lucino Dumagpi gamit ang wala pa mahibaluan nga armas.
Sandig sa imbestigasyon sang Maayon PNP nagahikot kag nagadinagamo ang magpamilya sa balay sang iloy sang biktima kag suspek para sa ila nga kapistahan sang nagbaisay ang asawa sang suspek kag ang biktima.
Pagsulod sang suspek, nagpatunga ini sa pagsabtanay sang asawa kag utod apang sila naman nga duha sang magulang ang nagsabtanay tobtob ginkuha sini ang armas kasunod ang pagluthang sa biktima nga naigo sa tiyan.
Nagpangabay naman ang anak sang biktima nga si Raniel Dumagpi sa tiyo nga nagpatay sa amay nga magsungka na kag atubangon ang iya nahimo nga kasal-anan.
Desidido naman ang pamilya sang biktima nga magpasaka sang kaso batuk sa suspek nga nagapabilin nga at-large matapos makomiter ang krimen.
Samtang nagpangayo naman sang bulig pinansiyal sa sin-o may mabinulawanon nga tagispuoon ang pamilya sang biktima bangud sa karon wala gid sila sang kuwarta nga hulagon.
