MAMBUSAO, CAPIZ – Yara na sa kostodiya sang Mambusao Police Station ang suspek nga nagbuno-patay sa 40-anyos nga lalaki sa Barangay Bula, Mambusao, Capiz.
Nahibaluan nga nag-angkon sang tatlo ka buno sa dughan ang biktima nga si Rene Marcelino Alyas Boy Paso matapos ginbuno sang iya man nga abyan nga si Randy Guillen 48-anyos sang Barangay Guintas, Sigma, Capiz.
Sa imbestigasyon sang Mambusao Municipal Police Station nagaguha nga nakainum na ang duha kag magkaupod pa nga nagkadto sa bilasyunan.
Apang nag-angkon sang pagbaisay samtang nagapauli tobtob nag-ingtanay kag naglagsanay sa uyapad kag ginbuno sang suspek ang biktima.
Posible nga nag-agaway pa sang kutsilyo ang duha bangud napilasan man sa kamalagko ang suspek.
Samtang gilayon nga gindala sa ospital ang biktima apang gindeklara nga dead on arrival sang doktor.
