Naglunsyar sang raid ang US immigration agents sa Newark, New Jersey worksite sa tunga sang crackdown sang Trump administration sa illegal immigrants sa Amerika.
Sa isa ka statement, ginpahayag ni Newark Mayor Ras Baraka, napaslawan ang Immigration and Customs Enforcement (ICE) agents nga maka-presenta sang warrant kadungan sang ila pag-preso sa mga indi dokumentado nga residente kag mga residente sa ginkasa nga raid sa isa ka business establishment nga Ocean Seafood depot sa Newark, sa guha sang New York City.
Isa suno sa mga detainee ukon ginhunong, isa ka US military veteran nga naka-eksperyensya sang indignidad matapos kwestyunon ang pagiging lehitimo sang military documentation sini.
Sa isa naman ka statement, ginpahayag sang tagpamabasa ng Immigration and Customs Enforcement nga gina-imbestigahan na nila ang nasambit nga insidente.
Apang suno kay Mayor Baraka, nalapas sang amo nga raid ang mga kinamatarong sang mga residente sa idalom sang US Constitution.
Samtang, ginsapubliko naman ni White House spokesperson Karolin Leavitt nga yara sa 538 ka tawo na ang nadakpan sang Trump administration nga ginlaragway bilang illegal immigrant criminals. Kalakip sa mga nadakpan ang mga miyembro sang Venezuelan prison gang kag mga indibidwal nga convicted sa sex crimes.
