Ginlutos ni undefeated US boxer Jesse Rodriguez si Juan Francisco Estrada sang Mexico para makuha ang World Boxing Council super flyweight title.
Una na nga ginlutos sang 24-anyos nga US southpaw boxer si Rodriguez sa round 6 sa laban nga ginhiwat sa Phoenix, Arizona.
Pagsugod sang round 7, wala nga ginpatawad ni Rodriguez ang Mexican boxer kag liwat sini nga nalutos, rason nga nagdesisyon na referee Chris Flores nga ungkaton na ang laban.
Bangud diri, may 20 na nga gindag-an kag wala pa sang narecord nga kapaslawan si Rodriguez. Naka-rekord man ini sang 13 knockouts samtang ang 34-anyos naman nga si Estrada ang may 44 na ka kadalag-an kag apat nga kapaslawan.
Si Rodriguez nga anay flyweight kag super flyweight champion ang nagbalhin sa 112 pounds kag nagsaka sang 115 pounds division.
