Nagpanawagan ang pila ka mga Democratic lawmakers sa Estados Unidos kay US President Donald Trump nga pabaskugon ang suporta para sa Pilipinas sa tunga sang padayon nga pag-ipit sang China sa West Philippine Sea.
Suno sa ila, ang administrasyon tuman ka nakatutok sa mga inaway sa Middle East, nga naghatag sa Beijing sang kahigayunan nga mapabakod ang iya presensya sa rehiyon.
Ginsambit man ni Rep. Eugene Vindman nga ang atensyon dapat isaylo palayo sa “unwinnable wars” kag magtutok sa baylo sa pagpakigbato sang mga internasyonal nga mga sulundan, ilabi na sa West Philippine Sea.
Sa pihak sang 2016 Arbitral Award ruling pabor sa Pilipinas, padayon nga nagapamalibad ang China nga kilalahon ang desisyon kag bag-o lang nagbutang sang floating structure sa Scarborough Shoal, isa ka tikang nga ginpamatukan sang Manila.
Natukiban nga 86% sang mga Pilipino ang nagapati nga dapat pangapinan sang gobyerno ang West Philippine Sea kaupod ang mga kaalyado nga pungsod.
Nagapati ang mga mamalidha nga kon indi gilayon maghulag ang Washington, mahimo nga makatuga ini sang impresyon nga makapaluya sang commitment sang US sa rehiyon, kon sa diin labi pa nga mapabaskog ang posisyon sang China.
