-- ADVERTISEMENT --
Nag-eksplekar ang US Embassy nga nakabase diri sa Pilipinas angut sa matuod nga tinutuyo sang ‘US Task Force Ayungin’.
Matandaan nga ginkumpirma ni outgoing United States Defense Secretary Lloyd Austin III ang presensiya sang ‘US Task Force Ayungin’, isa ka military unit nga ginbug-os sang mga suldado nga Amerikano nga nakabase sa Pilipinas.
Suno kay US Embassy spokesperson Kanishka Gangopadhyay, ang nasambit nga task force ang naghatag ligwa para masuportahan sang US ang mga aktibidad sang Armed Forces of the Philippines (AFP) sa West Philippine Sea.
Ini ang resulta sang kooperasyon sa tunga sang U.S. kag Philippine forces, kaupod ang Mutual Defense Board-Security Engagement Board (MDB-SEB) process kag ang Bantay Dagat framework.
