Gin-anunsyo sang US military nga gin-atake sini ang mga radar kag drone sites sang Iran sa syudad sang Goruk kag sa isla sang Qeshm.
Pagkatapos sini, ang Kuwait nagreport sang mga pag-atake gamit ang mga missile kag mga drone. Ini matapos ginkumpirmar sang Islamic Revolutionary Guard Corps (IRGC) sang Iran nga naglunsyar sila sang retaliatory attack sa isa ka base nga gin-alegar gingamit sa pag-atake sa ila Sirik Island.
Samtang, ginpakamalaut naman sang nagkalainlain nga mga pungsod ang malapnagon nga pag-atake sang Israel sa Lebanon.
Bangud sini, pormal nga naghingyo ang France sang emergency meeting sa UN Security Council agud istoryahan ang nagalala nga krisis.
Sa pihak sang mga engkwentro, gin-anunsyo ni US President Donald Trump nga malapit na sila sang Iran nga makalab-ot sang kasugtanan sa ginakabig niya nga “very good deal”), apisar nga ginareport nga ginaduso sang presidente ang mas estrikto nga mga kondisyon.
Ginkumpirma man ni Iran Foreign Minister Abbas Araghchi nga nagapadayon ang pagbayluhanay sang mga mensahe sa tunga nila kag sang US, apang ginhatagan pagtamod nga wala sang pat-od tubtob nga matapos ang kasugtanan.
