Ginbuyagyag sang US ang gin-alegar sekreto nga paghimo sang China sang ‘anti-access’ kag ‘area denial’ nga kapabilidad sa ila militar.
Suno kay US Army Pacific Commanding General Ronald Clark, ang militar sang China nagapauswag sang sini nga mga ikasarang para sa kahanginan kag kadagatan sang pungsod.
Ang anti-access capability isa ka ikasarang nga nagapugong sa isa ka pwersa militar sa pagsulod sa isa ka lugar samtang ang ‘area denial’ nga ikasarang nagalimite sang paghulag sang isa ka pwersa militar sa sulod sang isa ka ginsulod nga lugar.
Ginhatagan pagtamod ni Clark nga ang China nagahimo sang mga teknolohiya, ikasarang, kag mga pamaagi militar sa kadasigon nga wala pa masaksihan sang nagligad nga mga tinuig.
Ang butang nga indi na mailog sang China, siling niya, amo ang mga operasyon sa multidomain gikan sa duta. Ang heneral nagapatuhoy sa ikasarang sang US Army nga mag-operate sing dungan gikan sa duta, kahawaan, kag cyberspace.
Ginhatagan pagtamod sang heneral nga nagbaskog ang agresyon sang China batuk sa US kag mga kaalyado sini nga pungsod, gani suno sa iya importante nga palaparon man sang US ang serye sang military exercises, ilabi na sa Indo-Pacific Region.
