Nakahanda ang Estados Unidos sang America nga ibalik ang pag-atake sa Iran kon mapaslawan ang negosasyon suno kay US Defense Secretary Pete Hegseth.
Ini sa tunga sang nagapadayon nga mga pagtinguha sang mga negotiator sang Washington kag Tehran agud wakasan na ang tensyon.
Suno kay Hegseth ang US may “mas daku nga ikasarang” sa pagpadayon sang military operation kon kinahanglanon.
Dugang pa niya, ang ila mga stockpiles sang mga armas sa nagkalain-lain nga bahin sang kalibutan bastante na kag handa na.
Ginpasalig man sini nga indi pagbayaan sang Amerika ang Asia-Pacific Region sa pihak sang kinagamo sa Middle East.
Pahayag pa niya, luyag man ni US President Donald Trump nga malab-ot ang “malig-on nga kasugtanan” nga magasiguro nga indi gid makakuha sang nuclear weapons ang Iran.
Antes sini, nagkit-anay si Trump kag ang iya mga top aides sa Situation Room sang White House sang Biyernes agud magdesisyon sa bagay sang 60-day ceasefire extension sa Iran, apang natapos ini nga wala sang maathag nga kasugtanan.
