Ginpanindugan ni Ombudsman Jesus Crispin “Boying” Remulla nga ang iya opisina magalagas kag magabawi sang ginaalegar ill-gotten wealth nga gintago sa Estados Unidos sang Amerika, kag nagpanindugan nga ang Estados Unidos indi dapat mangin isa ka luwas nga palahuwayan para sa manggad nga ilegal nga nakuha gikan sa Pilipinas.
Ginhimo ni Remulla ang pahayag sa tion sang isa ka town hall meeting pagkatapos sang 7th Global Conference on Sustainable Development Goal 16 sa United Nations headquarters sa New York, apang wala niya ginhingadlan ang partikular nga mga indibidwal ukon mga propiedad nga ginapuntariya sang operasyon.
Ginhatagan man niya sang importansya ang nagapadayon nga mga reporma sa Office of the Ombudsman, lakip na ang digital transformation, pagpabaskog sang transparency, kag pagtrabaho upod sa mga overseas Filipinos agud labi pa nga mapasangkad ang kampanya batok sa korapsyon.
Matandaan nga ginpahayag man ni Remulla subong nga bulan nga ginpabaskog sang Ombudsman ang ila imbestigasyon sa mga iregularidad sa mga flood control projects, nga may 209 ka mga reklamo nga yara sa idalom sang fact-finding investigation kag apat na ka kaso ang napasaka na sa korte.
Sa iya pahayag, ginpanindugan ni Remulla nga indi dapat mangin palanaguan sang manggad ang US nga makamamatay sa integridad sang gobyerno, kag nagapanawagan sang mas mabaskog nga kooperasyon sa international level agud mabatuan ang korapsyon.
