Ginakabig nga ‘terminated’ na ang giyera sa tunga sang Amerika kag Iran antes pa ang deadline tubtob sang Mayo 1 ukon kahapon nga adlaw para sa pag-aprubar sang US Congress sa giyera, suno sa isa ka mataas nga opisyal sang administrasyon ni Trump.
Bangod sa idalum sang War Powers Resolution, may yara na lamang tubtob kahapon nga adlaw si US President Donald Trump agud maghingyo sang congressional authorization nga padayunon ang inaway ukon tapuson ini, nga may opsyon nga palawigon ang deadline sang dugang nga 30 ka adlaw.
Suno sa senior official, natapos na ang conflict nga nagluntad sang Pebrero 28 sa tunga sang Amerika kag Iran bangud sa nagaluntad nga ceasefire.
Ginpahayag man sang opisyal nga nag-untat na ang pagbayluhanay sang pagpang-atake sa tunga sang duha ka pungsod humalin sang Abril 7 sang nangin epektibo ang ceasefire kag sang ulihi ginpalawig pa gid ini.
Una na nga ginpahibalo sang White House ang US Congress ang military campaign batok sa Iran sadtong Marso 2, ko sa sa diin kahapon nga adalw amo ang 60-day milestone para sa Presidente nga sugdan ang “winding-down” sang giyera magluwas lang kon makakuha siya sang congressional authorization.
