Magapadala ang US military sang mga bag-o nga fighter jets sa Japan.
Suno sa US Defense Department nga kabahin ini sang $10-bilyon upgrade nga ila puwersa sa pungsod.
Sa mga masunod nga tuig, matuman na ini bilang pagpabaskog sang alyansa sang Japan kag US agud pasangkaron ang kalinong kag kahilwayan sa nasambit nga rehiyon.
Mahibaluan nga ginakalakipan ini sang 48 nga fifth generation F-35A fighter nga islan nila ang 36 nga F-16s nga natalaba sa Misawa Air Base sa northern, Japan, 36 nga bag-o nga F-15EX jets nga natalana sa Kadena Air Base sa southern Okinawa kung sa diin tal-usan nila ang 48 nga mga daan nga F-15C/D models nga una na nga ila ginpahalin.
Dugang pa sang Pentagon nga ila pagakay-uhon ang mga natalana nga F-35B aircraft nga yara sa isla sang Honshu.
Matandaan sadtong nakaligad nga tuig nangin hugot na ang alyansa sang US kag Japan agud solusyunan ang anu man nga pagpamahog batok sa Russia, China kag North Korea.
