Ginbombahan sang US military ang Kharg Island sang Iran suno kay US President Donald Trump.
Apang, suno sa iya, wala ginpuntariya ang imprastraktura sang langis.
Gin-anunsyo man ni Trump nga ang tagsa ka target sang militar sa isla bug-os nga naguba.
Ginpahog man ni Trump nga atakehon ang oil infrastructure sang Iran kon padayon nga balabagan sang Iran ang mga barko nga nagaagi sa Strait of Hormuz.
Ang nasambit nga isla isa criticial economic lifeline para sa Iran, nga may 90 porsyento sang mga eksport sang langis sang Iran nga nagaagi.
Suno sa isa ka news agency nga katapo sang Islamic Revolution Guards Corps, masobra 15 ka lupok ang nabatian sa isla sa tion sang pag-atake sang mga Amerikano.
Ginpahayag nga ginpuntariya ang air defense, naval base, airport control tower kag isa ka helicopter hangar sa isla.
Apang, suno sa mga report gikan sa media sang estado sang Iran, wala sang kahalitan sa imprastraktura sang langis sa Kharg Island.
