Nagapreparar na ang US military, sa posibilidad sang pag-atake batok sa Iran, ang operasyon mahimo nga magaumpisa sa ginahulat nga mando ni President Donald Trump sang pag-atake.
Maganegosyar sanday US envoys Steve Witkoff kag Jared Kushner sa Iran sa Martes, kun sa diin ang mga representatives halin sa Oman ang magaserbe bilang mediators.
Suno kay US Secretary of State Marco Rubio, luyag ni Trump nga maghimo sang deal sa Tehran, apang mabudlay ini nga matuman, bangud sa nagalawig nga tensyon sa tunga sang duha ka pungsod, natuhoy sa nuclear program sang Iran.
Samtang nagatipon si Trump sang military forces, nagpadala man ang Pentagon sang dugang nga aircraft carrier, linibo ka troops, fighter aircraft, guided-missile destroyers kag iban pa sa Middle East.
Apang ginpahayag ni Trump nga posible may pagbag-o sa regime sa Iran, rason nga wala niya ginhambal kun sin-o ang luyag niya nga mag bulos sa pungsod.
