Tuman nga naglala ang tensyon sa Middle East matapos naglunsyar sang airstrike ang Estados Unidos sang Amerika batok sa Iran, kasunod sang pag-atake sang Iran sa isa ka container ship sa Strait of Hormuz nga nagsunog sa barko kag nagresulta sa pagkadula sang isa ka tripulante.
Suno sa U.S. Central Command, naiguan sang ila operasyon ang kapin 140 ka mga target, lakip ang mga missile kag drone launch site, talaguan sang mga armas, kag communication facilities.
Katuyuan sini nga mapaluya ang kapasidad sang Iran nga magpamahog sa naga-agi nga mga barko sa Strait of Hormuz.
Bilang sabat, nagpatigayon man sang pagpang-atake ang Iran sa pila ka mga pungsod sa Middle East kalakip ang Bahrain, Kuwait, Qatar, Jordan, kag Oman.
Sa isa ka interview kay U.S. President Donald Trump, ginpahayag sini nga madinalag-on ang ginpatigayon nga operasyon sang ila military force.
Samtang, ginakabalak-an sang mga eksperto nga mahimo maapektohan ang pangkalibutan nga suplay sang langis kag natural gas, samtang nabutang man sa alang-alang ang peacetalks sa tunga sang Estados Unidos kag Iran.
