-- ADVERTISEMENT --
Liwat nga naglunsyar ang Estados Unidos sang Amerika sang mabaskog nga pag-atake batok sa Iran bilang sabat sa pag-atake sa tatlo ka commercial vessels sa Strait of Hormuz.
Suno sa US Central Command, katuyuan sang amo nga operasyon amo ang paghatag sang mabug-at nga silot sa Iran bangud sa pag-target kag pag-atake sa mga sibilyan nga crew members sa international waterways.
Nahalitan ang mga tanker, apang wala sang nareport nga casualties.
Samtang, ginbawi man sang US Treasury ang temporaryo nga waiver sa oil sanctions batok sa Iran rason nga labi pa nga nagdugang ang tensyon.
Hugot man nga ginpakamalaut sang Qatar kag Saudi Arabia ang insidente matapos nga naigo ang ila tagsa ka mga tanker sa rehiyon.
-- ADVERTISEMENT --
