Nagpaandam ang Estados Unidos sang Amerika sa posible madasig nga paglala sang inaway sa tunga sang Saudi Arabia kag sang Houthis nga ginasuportahan sang Iran matapos ang isa pa ka pag-atake sa teritoryo sang Saudi.
Suno sa Saudi-led coalition, isa ka ballistic missile nga nagapadulong sa Riyadh ang na-intercept kag nawasak, samtang ang Yanbu, Bisha, Taif kag Farasan ang ginpuntariya man.
Matandaan nga sang nagligad nga adlaw naglunsyar man sang missile kag drone attacks ang mga Houthi sa Riyadh.
Ginhingyo sang US State Department ang ila mga pumuluyo nga mahalong sa pagbiyahe padulong sa Middle East bangud sa posible paglala sang military conflict.
Samtang, hinali naman nga nagbalik sa White House si US President Donald Trump matapos ginpalip-ot ang weekend stay sini sa Camp David samtang nagapadayon ang tensyon sa rehiyon.
