Nagpatuman ang administrasyon ni US President Donald Trump sang bag-o nga taripa ukon buhis sa imported nga mga produkto halin sa ginabanta 60 ka mga pungsod.
Ini bangud ginasiling sang Estados Unidos nga wala nakahimo ang iban nga mga pungsod sang nagakaigo nga tikang agud mapunggan ang pagsulod sang mga produkto nga pinaagi sa forced labor.
Suno sa Office of the US Trade Representative, ang mga pungsod nga nagasunod sa pagdumili sang mga produkto nga may forced labor pagabuhisan sang 10 percent, samtang 12.5 percent naman ang taripa sa mga wala nagasunod.
Lakip sa mga apektado ang United Kingdom, China, European Union, Canada, Japan, kag India.
Ang bag-o nga polisiya kabahin sang plano ni Trump nga pagahugtan ang patakaran sang Estados Unidos sa pagpasulod sang imported nga mga produkto.
Samtang, nagpahayag sang pagkadismaya ang pila ka mga pungsod, lakip ang Brazil, Japan, kag Australia, nga mahimo sila maghimo sang mga tikang bilang sabat sa ginpatuman nga taripa.
