Ginaduso sang administrasyon ni US President Donald Trump ang pagdugang sang firing squad, electrocution, kag gas asphyxiation bilang alternatibo nga pamaagi sang execution sa federal level, suno sa report sang Justice Department.
Suno sa report, katuyuan sini nga masabat ang kakulang sang lethal injection drugs kag masiguro nga mapatuman ang death penalty bisan may supply limitation.
Kabahin ini sang tikang ni Trump nga ibalik ang federal executions matapos ginkakas ang moratorium sang nagligad nga administrasyon.
Sa subong, kapin sa 40 ka mga kaso ang ginadala sa unahan para sa silot nga kamatayon, bisan pa nga wala pa sang isa nga nakalab-ot sa aktwal nga pagpatay. Tatlo na lang ang nabilin sa federal death row pagkatapos nga gin-commute sang anay administrasyon ang kalabanan nga mga sentensya.
Nakakuha naman ini sang kritisismo gikan sa human rights groups kag pila ka mga mamalidha, nga nagsiling nga ang amo nga mga pamaagi mapintas kag di-makatawo.
Apang, ang Justice Department nagapanindugan nga ini nga mga alternatibo kinahanglanon sa pagpatuman sang kasuguan.
