Plano sang US nga dugangan Ang military base sa Greenland.
Suno sa Us, magatukod sila sang tatlo ka bag-o nga base militar sa Southern Greenland bilang preparasyon sa posible nga aktibidad sang Russia kag China sa rehiyon sang North Atlantic.
Matandaan nga una na nga nag-inaway ang Denmark Kag U.S. matapos nga gindeklara ni U.S President Donald Trump nga pagasakupon sini ang nasambit nga isla kasunod sang kahadlok nga kuhaon ini sang Russia kag China.
Apang, ang Denmark kag Greenland mabaskog nga nagpamatok sa bisan ano nga ideya nga agawon ang teritoryo.
Sa pihak sini, nagapadayon ang diplomatic talks sa tunga sang duha ka pungsod kun sa diin ginkumpirma sang Denmark nga may yara sila sang nagapadayon nga negosasyon sa Amerika angut sa posible dugang nga presensya sang militar sa Greenland, apang nagpamalibad sila nga maghatag sang dugang nga detalye.
