Gin-anunsyo ni US President Donald Trump nga magakit-anay sila ni Russian President Vladimir Putin sa Agosto 15 sa Alaska agud mag-istoryahanay angut sa posibilidad sang pag-untat sang giyera sa Ukraine.
Ginhimo ni Trump ang anunsyo pinaagi sa social media sang Biyernes, kag nagsiling nga lapit na ang mga partido, upod si Ukraine President Volodymyr Zelenskyy, sa pag-abot sang ceasefire deal sa giyera nga nagaluntad na sang kapin tatlo ka tuig kag tunga.
Suno kay Trump, posible nga mangin kabahin sang kasugtanan ang paghinay-hinay nga pagbalhin sang mga teritoryo.
Ginpahayag ni Zelenskyy nga posible ang ceasefire ang may enough nga pressure nga ipatuman batok sa Russia.
Nagsiling man siya nga nagapanginbulahan siya sa pagpadayon nga komunikasyon sa mga lider sang iban nga pungsod, lakip na ang Estados Unidos.
Ginapaabot nga ang pagtipon sa Alaska mangin isa ka dako nga tikang sa posibilidad nga pag-untat sang kagamo sa Ukraine kag sa pagbalik sang kalinong sa rehiyon.
