Ginsabat ni US President Joe Biden ang mga pagpakamalaut sa iya nga edad, kag ginpahayag pa sini nga siya ang magadaog sa masunod nga eleksyon sa Nobyembre matapos ang poor debate performance sini nga nagtuga sang pagkabalaka sa iya nga kandidatura.
Nagapati si Biden nga sa pinaagi sa iya nga tagipusuon kag kalag makaserbisyo ini sa gihapon sa masunod nga termino.
Apisar indi na bag-o ang mga pamangkot natuhoy sa edad sang presidente sang Amerika, ang iya nga shaky performance sa pagdebate ang nag-trigger sa mga democrats nga magpamangkot nahanungod sa iya nga kandidatura.
Mangin ang pila ka mga successor sa iya nga kampanya kalaklip si Vice President Kamala Harris, gin-ako sini sa mga interview nga nagpitla ang presidente sa debate apang ginhatagan-pagtamod nila nga mas may unod ang mga sabat sang president kun ikumparar kay anay Presidente Donald Trump.
Samtang, ginpahayag naman sang anay presidente nga wala ini nagapati sa haum-haom nga si Biden ang magahalin sa karera, kag ginpahayag man sini nga siya ang “mas abanse sa botohan” kun ikumparar sa iban pa nga mga Democrat, kalakip ang Gobernador sang California nga si Gavin Newsom kag ang Bise-Presidente nga si Kamala Harris.
