Gin-anunsyo ni US President Donald Trump nga ang Strait of Hormuz, isa ka importante nga ruta para sa gatong, ang pagabuksan liwat sa Biyernes, Hunyo 19.
Ini matapos nga nag-ugyon ang Estados Unidos kag Iran nga tapuson ang giyera sa Middle East, isa ka daku nga tikang padulong sa pagtapos sang binulan nga inaway kag kinagamo sa ekonomiya.
Suno kay Trump, ang mga barko kag mga kargamento sang langis magasugod na sa paghalin sa Strait of Hormuz.
Pahayag pa niya, wala ini nagahunahuna nga kinahanglan ang daku nga bulig sa pagbukas sang nasambit nga strait.
Nahibaluan nga sandig sa Iranian media, tatlo ka oil tankers kag duha ka cargo ships ang nag-agi sa lugar nga ginpaidalom sa US naval blockade.
Samtang, natalana man nga pirmahan sa Biyernes sa Switzerland ang peace agreement sa tunga sang US kag Iran kaupod ang mediator nga Pakistan.
