Gin-anunsyo ni US President Donald Trump nga mga-guide ang US sa mga barko nga maglabay sa Strait of Hormuz.
Suno sa US Central Command, kalakip sa military support ang guided-missile destroyers, masobra 100 ka mga aircraft kag 15,000 ka mga service members.
Ini ang ginapahayag bilang suporta sa “Project Freedom” ni Trump agud mabawi ang kahilwayan sa pagbiyahe sa Strait of Hormuz.
Suno kay CENTCOM commander Adm. Brad Cooper, ang ila suporta ang para sa “defensive mission” nga importante para sa seguridad sang rehiyon kag pangkalibutanon nga ekonomiya kadungan sang ila pagmentinar sang naval blockade.
Sa iya Truth Social account, ginpahayag ni Trump nga katuyuan sang pag-guide sa mga barko amo ang paghilway sa mga tawo, kompaniya kag pungsod nga inosente kag makatarunganon nga biktima sang mga nagakahinabo.
Pahayag pa ni Trump nga may yara man sang “very positive discussions” sa tunga sang mga tiglawas sang America kag Iran kag nagapati ini nga magaresulta ini sang positibo para sa tanan.
