Ginmanduan ni US President Donald Trump si Israeli Prime Minister Benjamin Netanyahu nga ang military strikes sa Lebanon dapat “surgical” lang kag likawan ang mass attacks.
Suno kay Trump, ginhambalan niya si Netanyahu nga indi paggub-on ang mga buildings kag likawan ang lapnagon nga kahalitan nga suno sa iya nagahalit sa imahe sang Israel.
Dugang pa ni Trump nga nagapati siya nga may potensyal pa nga makabangon ang Lebanon, apang ginpahayag sini nga dako ang epekto sang Iran kag Hezbollah sa krisis sang pungsod.
Kadungan sini, padayon nga ginalapas ang ceasefire nga nagsugod sang Abril 17 kag ginpalawig tubtob Mayo 17, samtang nagapadayon ang mga pag-atake sa southern Lebanon.
Suno sa mga report gikan sa Lebanon, linibo na ang napatay kag napilasan, samtang kapin sa 1.6 million ang ginreport nga nadulaan sang puluy-an bangod sang nagapadayon nga giyera.
