-- ADVERTISEMENT --
Ginpahayag nga ginmanduan ni US President Donald Trump ang iya mga opisyal nga bombahon ang Iran kon siya ang mapatay.
Sa isa ka interview, ginpahayag ni Trump nga kun may matabo sa iya, dapat bombahan ang Iran sang tuman ka grabe nga wala pa nila maagyan sang una.
Matandaan nga sang Pebrero 2025, nagsiling na si Trump nga ang Iran “madula” kon patyon siya.
Apisar nga ginpanginwala sini ang mga report sang nabag-o nga plano sang Iran nga patyon siya, ginpanindugan ni Trump nga madugay na siya nga nangin mayor nga target sang Tehran.
Matandaan nga nagpamahog ang Iran nga magbalos kay Trump matapos ang drone strike nga ginmando sini sang 2020 nga nagpatay kay Qassem Soleimani, anay kumander sang Quds Force sang Iran.
-- ADVERTISEMENT --
