Gin-athag ni U.S. President Donald Trump nga indi na niya luyag nga palawigon ang ceasefire sa tunga sang Estados Unidos sang Amerika kag Iran, kag nagpaandam nga mahimo liwat nga mag-atake ang Amerika kon indi matigayon ang kasugtanan.
Suno kay Trump, mas maayo para sa US nga magpabilin sa isa ka ““strong negotiating position”” kag nagalaum nga makuha ang ginakabig nga “great deal” upod sa Iran.
Sandig sa mga report, kumpiyansa ang Washington nga magapadayon ang peace talks sa Pakistan, samtang may yara man sang hint gikan sa isa ka opisyal sang Iran nga ginatun-an sang Tehran ang posibilidad nga magpartisipar ini sa negosasyon.
Apang, ginpahayag ni Trump nga handa ang Estados Unidos sang Amerika nga padayunon ang military operations kun mapaslawan ang negosasyon.
Sa subong, wala pa mapat-od kun magapadayon ang katapusan nga hugnat sang peace talks, samtang nagapadayon ang diplomasya sa tunga sang tensyon sa rehiyon.
