Natalana nga magabisita si United States President Donald Trump sa Pilipinas sa Nobyembre agud magtambong sa ika-49 nga ASEAN Summit nga pagahiwaton sa Metro Manila suno sa Malacañang.
Ginkumpirmar ini sang Palasyo sang Oktubre 14, 2026.
Ginalauman nga magatambong ang mga lider sang Association of Southeast Asian Nations (ASEAN) kag iban pa nga partner nations sa pagtililipon agud istoryahan ang mga isyu sa rehiyon kag pabaskugon ang diplomatic ties.
Samtang, wala pa sang kompleto nga detalye ang Malacañang may kaangtanan sa schedule sang pagbisita ni Trump, lakip na ang posible diskusyon angut sa Pax Silica.
Magatambong man sa pagsinapol si Indian Prime Minister Narendra Modi.
Matandaan nga katapusan nga nagbisita si Trump sa Pilipinas sang Nobyembre 2017, sa panahon sang administrasyon ni anay President Rodrigo Duterte, agud magtambong sa ika-31 nga ASEAN Summit.
Bilang host sang ika-49 nga ASEAN Summit subong nga tuig, nagdeklarar ang gobyerno sang tatlo ka adlaw nga special non-working days sa Metro Manila humalin Nobyembre 16 tubtob 18, 2026.
Katuyuan sini nga makabulig sa pagdumala sang dalagan sang trapiko kag makahanda sang seguridad para sa mga nagatambong nga mga lideres kag mga delegado.
