Magatambong si US President Donald Trump sa final sang FIFA World Cup kun sa diin maga-atubangay ang reigning European champions nga Spain kag reigning South American champions kag defending world champions nga Argentina.Mga Internasyonal na Kumpetisyong Pampalakasan
Suno kay White House Press Secretary Karoline Leavitt, ginapaabot sang presidente ang iya pagtambong sa championship match kag ginapabugal man sini ang kapasidad sang Amerika nga mag-host sang isa sa pinakadaku nga sporting event sa kalibutan.
Suno naman kay FIFA President Gianni Infantino, updan ni Trump ang FIFA sa paghatag sang World Cup trophy sa magadaog nga team sa New Jersey New York Stadium.
Ginpahayag ni Infantino nga madugay na nga plano nga makaupod ang presidente sang host country kag ang FIFA president sa pag-turn-over sang tropeo nga pareho sang ginhimo sa nagligad nga mga edisyon.
Antes ang championship match, matambong man si Trump sa isa ka FIFA reception nga himuon sa Trump Tower sa New York City.Kasaysayan
Patigayunon ang final match sa World Cup sa Lunes, alas tres sang kaagahon, oras diri sa Pilipinas.
