Nagapati si US President Donald Trump nga siya ang main target sang suspek sa nagluntad nga shooting incident sa White House Correspondents’ Dinner sa isa ka hotel sa Washington, DC.
Ang nasambit nga aktibidad ang gintambungan sang 2,600 attendees kun sa diin lakip ang asawa sini nga si Melania Trump, US Vice President JD Vance, Senior administration officials, kag pila pa ka opisyal sang gobyerno.
Suno kay Trump, wala man nasamaran ang security officer bangud sa suksok sini nga bulletproof vest.
Ginpakigbahin man niya nga natigayon na nga nadakpan ang suspek nga ginkilala kay Cole Tomas Allen nga isa sa mga guest sa hotel kun sa diin ginhiwat ang aktibidad.
Base sa mga impormasyon, narecover kay Allen ang shotgun, handgun kag pila ka mga kutsilyo.
Madumduman nga duha na ka beses nga nakabatun sang threat ang presidente sang Estados Unidos halin sang tuig 2024.
Sa subong, nagapadayun pa ang imbestigasyon natuhoy sa insidente.
