Nasaksihan ni US President Donald Trump ang pagpirma sang peace agreement sa tunga sang Thailand kag Cambodia sa iya pag-abot sa Malaysia kahapon nga adlaw.
Naghatag man sang pagpakig-unong si Trump sa kamatayon sang Queen Mother sang Thailand nga si Queen Sirikit, iloy sang hari nga si King Vajiralongkorn.
Bangud sa pagtaliwan sang Queen Mother, gin-isol sang Thai Prime Minister Anutin Charnvirakul ang iya pagtambong sa ASEAN Summit, apang ginpasalig niya nga magatambong gihapon siya sa pagpirma sang peace deal upod kay Trump kag sa Prime Minister sang Malaysia.
Tinutuyo sang kasugtanan nga tapuson ang madugay na nga tensyon sa tunga sang Thailand kag Cambodia nga nagresulta sa masobra 40 ka kamatayon kag 300,000 ka mhga nag-evacuate sang Hulyo.
Suno sa report, mismo si Trump ang nagduso sang ceasefire sa tunga sang duha ka pungsod matapos ang lima ka adlaw nga inaway.
