Natalana nga magbisita si US President Donald Trump sa China sa Abril sa masunod nga tuig.
Kasunod ini sang ila nga pag-istoryahanay sa telepono ni Chinese President Xi Jinping.
Pagahinalaan sang duha ka mga lider ang nagkalain-lain nga isyu kalakip ang sa Taiwan, Russian invasion sa Ukraine, trade kag fentanyl trafficking.
Madumduman nga ang pinakaulhi nga pagkit-anay sang duwa amo ang sa Busan, South Korea sang Oktubre, kun sa diin nauna naman nga gindiskusyunan sang duha ang isyu sa Taiwan kag Russian invasion.
Ginsiling man diri sang Chinese President kay Trump nga importante ang pagbalik sang Taiwan sa China para sa bisyon sang higante nga pungsod para sa “post-war international order.”
Sa isa ka post, kadungan sang pag-anunsiyo sa iya nga natalana nga state visit sa China, ginpakigbahin ni Trump ang relasyon sang Amerika kag China nga tuman ka pag-on.
