-- ADVERTISEMENT --
Gin-anunsyo ni US President Donald Trump ang temporaryo nga pagpa-untat sang US Military operations sa Strait of Hormuz nga may katuyuan nga buligan ang mga na-stranded nga mga barko.
Suno kay Trump, ang desisyon ginhimo sa pangabay sang Pakistan kag iban pa nga mga pungsod, samtang nagapadayon ang negosasyon para sa posible nga kasugtanan sa Iran.
Temporaryo man nga untaton ang “Project Freedom” samtang nagapabilin ang nagaluntad nga blockade sa lugar agud maghatag sang dalan para sa katapusan nga kasugtanan.
Sa subong, wala pa sang komento ang Iran, samtang nagapadayon ang tensyon sa Gulf kasunod sang mga report sang military operation kag paandam gikan sa Revolutionary Guard sa mga barko nga nagasunod sa gintalana nga ruta.
