Ginpakalain ni US President Donald Trump ang NBA superstar nga si LeBron James bangud sa ginaalegar wala pagtahod sa national anthem sang Estados Unidos.
Sa post ni Trump sa iya Truth Social account, nag-share siya sang video ni James nga nagahimo sang warm-up moves samtang nagalinya upod sa iya mga kaupod sa Philadelphia 76ers.
Suno kay Trump, makahuluya ang ginhimo sang basketball player kag dapat magpangayo ini sang pasaylo sa mga suldado kag baganihan nga napatay para sa bandera kag sa pungsod.
Apang indi pa maathag kon san-o nakuha ang video kag wala sang gilayon nga pahayag gikan kay James ukon sa tagdumalahan sang 76ers angut sa kritisismo.
Indi ini ang una nga kahigayunan nga ginpakamalaut ni Trump ang mga atleta bangud sa ila batasan sa tion sang pagtokar sang national anthem.
