Nagpaguwa sang pahayag ang American rapper nga si Lil Wayne matapos nga wala ini mapilian nga mag-perform sa 2025 Super Bowl Halftime Show.
Sa social media account sini, ginpakigbahin niya sa mga fans ang tuman nga kasubo bangud wala ini napilian.
Suno sa American rapper, nagtipon ini sang kabaskog sang buot agud makapaguwa sang iya hibubun-ot.
Gin-ako sini nga masakit sa iya bahin nga wala ini ginpili ilabi na nga residente siya sang New Orleans, ang lugar kun sa diin pagahiwaton ang Super Bowl.
Ginbasol man sini ang iya kaugalingon bangud wala siya nakapreparar mentally sa tion nga indi ini mapilian.
Ginpalamatan sini ang iya nga mga himata, abyan kag mga fans bangud sa ginpakita nga suporta sa iya.
Matandaan nga ginpili sang SuperBowl si Kendrick Lamar nga isa sa mga maga-perform sang Halftime Show.
